Saturday, February 5, 2011

AKTIBITI 4 (TAYUTAY)

Pagtutulad (Simile):
Ang balat niya ay kasing puti ng niyebe.

Pagwawangis  (Metaphor):
Matigas na bakal ang kamao ng tatay ko.


Pagtatao (Personification):
Sumasayaw ang mga dahon sa ihip ng hangin.


Pagmamalabis (Hyperbole):
Pag ako nanalo sa loto, uulan talaga ng pera.

AKTIBITI 3 ( IDYOMA )

 Siya

       Galing siya sa pamilyang butas ang bulsa..Kinupkop siya ng aking ina na mababa ang loob, noong tatlong buwang sanggol pa lamang siya. Inaruga tulad ng isang tunay na anak, pinag-aral at itinuring na kapamilya.

       Ang aming ilaw ng tahanan ay makapal ang palad at disiplinado, pagdating sa amin dalawa ang bibig nya. Hindi ko alam pero lumaki siyang mabigat ang kamay, mahaba ang buntot, at naging malikot ang kamay dahil umaasta siyang mayaman sa harap ng iba. Mahangin talaga ang ulo nya. Makati rin ang paa  kaya madalas siyang napapagalitan; at sa tuwing nasesermonan ay nakapinid ang tainga. Matigas ang ulo at balat kalabaw kahit minsan nagiging matalas na rin ang dila ni Inay sa kanya.

      Kahit anong pangaral sa kanya, isa talaga siyang hampas lupa at walang plano sa buhay. Iwan ko ba talagang kumukulo ang dugo ko sa kanya. Nagbubulakbol pa siya sa eskwela at tuwing nasa bahay ay takaw-tulog.

      Isang araw lumayas siya sa amin, nabalitaan naming nakipagtanan daw ito. May nagsabi ring buntis daw ito kaya lumayo. Nasaktan si Ina sa paglisan niya, alam kong minahal niya ato sa kabila ng lahat . Tinanggap nya pati ang  sanga-sangang dila, ang taingang kawali at ang kawalang galang nito sa kanya. Kawawa talaga siya, di nya naisip ang kanyang kinabukasan. Sana umuwi siya isang araw at magbago na.

Wednesday, February 2, 2011

AKTIBITI 2

WASTONG GAMIT NG SUMUSUNOD NA MGA SALITA:


Kina- Ihatid mo ang mga laruan na ito kina Booty at Butoy.

Pinto at Pintuan-Huwag kang humarang sa pintuan at nang maipinid na ang pinto.

Hagdan- Nagmamadaling inakyat ni Justin ang mga hagdan.
Hagdanan-Ilagay mo ang hagdanan sa tapat ng bintana.

Iwan- Aalis na tayo, iwan na natin siya.
Iwanan-Iwanan mo ng pagkain ang kapatid mo.

Sundin- Sundin mo ang utos ko.
Sundan-Sundan mo s'ya, baka may kalaguyo s'ya.

Tungtong- Itungtong mo ang gunting sa aparador.
Tuntong-Tumuntong ka sa mesa para  maabot mo ang gunting sa ibabaw ng aparador.
Tunton- Tuntunin mo ang daan patungo sa liwanag.

Dahil sa- Hindi s'ya nakapasok kahapon dahil sa sakit ng ulo.

Kung di- Aalis na sana kami kung di ka dumating.
Kundi- Walang sinuman ang pwedeng dumalo kundi iyong mga inimbita lamang.